काठमाडौं- पार्टीको नीति, निर्देशन तथा विधानविपरीत काम गरेको भन्दै जनमत पार्टीको अनुशासन समितिले पाँच नेतालाई कारबाही गरेको छ।

कारबाहीमा पर्नेहरु पूर्वसांसद बाराका शिवचन्द्र कुशवाहा, सप्तरीका गुलाब मण्डल, रुपन्देहीका शङ्कर खड्का, भोपेन्द्र यादव तथा कपिलवस्तुका भगवानदास यादव रहेका रहेका छन्।

कुशवाहालाई पार्टीको साधारण सदस्यसमेत नरहनेगरी कारबाही गरिएको छ भने मण्डल, यादव र खड्कालाई जनमत पार्टीको सदस्यबाट एक वर्षका लागि निलम्वन गरिएको छ ।

यसैगरी भोपेन्द्र यादवलाई पार्टीको सचिवालयबाट तीन महिनाका लागि निलम्वन गरिएको छ ।