सत्तापक्ष र प्रतिपक्षीबीच मिल्यो संसदीय समितिको भागबण्डा : कसले कति पाए ?
नागरिक प्रेस २२ साउन २०८०
काठमाडौं- सत्तारुढ दल र प्रमुख प्रतिपक्षी दलबीच संसदीय समितिको नेतृत्वको विषयमा सहमति जुटेको छ ।
जसअनुसार सत्तासीन नेपाली कांग्रेसले ४ वटा समितिको सभापति पाउनेछ भने प्रमुख प्रतिपक्षी दल नेकपा एमालेले ३ वटा समितिको सभापति पाउने भएको छ ।
त्यस्तै माओवादी केन्द्रले २ तथा जनता समाजवादी पार्टी, एकीकृत समाजवादी र जनमत पार्टीले समान एकएक समितिको सभापति पाउने भएका छन् ।
सहमतिअनुसार अर्थ, कृषि, सुनुवाइ र राज्य व्यवस्था समितिले नेतृत्व गर्नेछ भने लेखा, महिला र राज्य निर्देशक सिद्धान्त समितिको नेतृत्व एमालेले गर्नेछ । त्यस्तै, कानुन र विकास समितिको नेतृत्व माओवादी केन्द्रले गर्नेछ ।
समान एकएक समिति सभापति पाएका जसपा, एकीकृत समाजवादी र जनमतले क्रमशः अन्तर्राष्ट्रिय सम्बन्ध समिति, शिक्षा समिति र उद्योग समितिको नेतृत्व गर्नेछन् ।
संसद्को चौंथो ठूलो दल राष्ट्रिय स्वतन्त्र पार्टी र पाँचौँ ल राष्ट्रिय प्रजातन्त्र पार्टीलाई समिति सभापति छुट्याइएको छैन ।
लोकप्रिय
