पहिरोले गोरखा-आँबुखैरेनी सडक अवरुद्ध
नागरिक प्रेस १५ भदौ २०८०
No ads found for this position
No ads found for this position
गोरखा- पहिरोले गोरखा-आँबखैरेनी सडकखण्ड अवरुद्ध भएको छ ।
गोरखा नगरपालिका-१४ को मझुवा देउरालीस्थित प्रहरी चौकी नजिकैको उकालोमा आज बिहान सुक्खा पहिरो खसेको हो ।
पहिरो खसेपछि यातायात सेवा पूर्णरूपमा अवरुद्ध भएको जिल्ला प्रहरी कार्यालयका प्रहरी उपरीक्षक अनुपम श्रेष्ठले जानकारी दिए ।
सुक्खा पहिरो आएकाले पन्छाउन समय लाग्ने उनले बताए । अहिले आँबुखैरेनीबाट गोरखा आउने तर्फबाट पहिरो पन्छाउने काम सुरु भएको छ ।
गोरखातर्फबाट पनि पहिरो पन्छाउने प्रयास भइरहेको प्रहरी उपरीक्षक श्रेष्ठले जानकारी दिए । पहिरोका कारण गोरखा सदरमुकाम प्रवेश गर्ने सबै सवारीसाधन बाटोमै थन्किएका छन् । -रासस
प्रतिक्रिया
लोकप्रिय
