२ किशोरीलाई भारत लैजाँदै गरेको अवस्थामा ३ जना पक्राउ
![२ किशोरीलाई भारत लैजाँदै गरेको अवस्थामा ३ जना पक्राउ](https://www.nagarikpress.com/wp-content/uploads/2024/01/tourist-pakrau.jpg)
बर्दिया- दुई किशोरीलाई ललाई फकाई भारत लैजाँदै गरेको अवस्थामा आइतबार गुलरिया–११ गणेशपुर नाकाबाट प्रहरीले उद्दार गरेको छ। उनलाई उद्धार गर्दै प्रहरीले तीन जनालाई पक्राउ गरेको छ।
साना हातहरू नेपालको सक्रियतामा प्रहरीले दुई किशोरीको उद्धार गरेको हो।
नेपाल भारत सीमाको गणेशपुरबाट भारतको लौकाहीतर्फ शंकास्पद रुपमा मोटरसाइकलमा जाँदै गर्दा उनीहरूलाई पक्राउ प्रहरीले पक्राउ गरिएको प्रहरीको भनाइ छ।
बाँकेको जानकी गाउँपालिकाकी १५ वर्षीया र बर्दिया बढैयाताल गाउँपालिकाकी १६ वर्षीया किशोरीलाई भारत लैजान लागेको अवस्थामा उद्दार गरिएको बर्दिया प्रहरीका प्रवक्ता डिएसपी तिलकराम अर्यालले जानकारी दिए।
उनका अनुसार बाँके कोहलपुर-७ का २६ वर्षीय लालबहादुर पुन, बैजनाथ गाउँपालिकाका प्रेमबहादुर विक र जानकी गाउँपालिका–६ का अंकित कुमार लोनियालाई प्रहरीले नियन्त्रणमा लिएको छ।
प्रहरीले उनीहरु विरुद्ध मानव बेचबिखनको मुद्दा दर्ता गरी अनुसन्धान सुरु गरेको छ।