सत्ताबाट बाहिर भएपछि कांग्रेस छाती पिटीपिटी रुँदैछ: केपी ओली
![सत्ताबाट बाहिर भएपछि कांग्रेस छाती पिटीपिटी रुँदैछ: केपी ओली](https://www.nagarikpress.com/wp-content/uploads/2024/02/Kp-oli.jpeg)
काठमाडौं । नेकपा एमालेका अध्यक्ष केपी शर्मा ओलीले कांग्रेस सत्ताबाट बाहिर निस्किएपछि छाती पिटीपिटी रोएको टिप्पणी गरेका छन्।
कैलालीको धनगढीमा आयोजना भएको पत्रकार सम्मेलनमा बोल्दै उनले यस्तो बताएका हुन् । उनले गृहमन्त्री रवि लामिछानेले पदबाट राजीनामा दिनु नपर्ने बताए ।
सहकारी ठगी प्रकरणमा मुछिएको भन्दै प्रमुख प्रतिपक्ष दल नेपाली कांग्रेसले गृहमन्त्री रवि लामिछानेको राजीनामा मागिरहेको छ। उनले भने, ‘उनी सहकारी डुबाउने कुरामा लागेका छन् ? पैसा उठाउने सञ्चालक हुन् ? केही पनि छैन भने कसरी छानबिन प्रभावित हुन्छ ? कांग्रेसतिर रवि लामिछाने र उनको पार्टी लागेन त्यसो भएको हुँदा बदनाम गर्न खोज्ने फसाउने काम गरिएको हो ।’
ओलीले कांग्रेसका मन्त्रीहरू झण्डा छोपेर अख्तियारमा बयान दिन गएको भन्दै नैतिकताको कुनै अर्थ नरहेको बताए ।
उनले भने, ‘एउटा बोलाइको लागि गोकुल बास्कोटा र शेरबहादुर तामाङले राजीनामा दिनुभएको थियो तर, कांग्रेसका मन्त्रीहरू झण्डा छोपेर अख्तियारमा बयान दिएको पनि सुनिएकै हो । कांग्रेसमा नैतिकताको कुनै अर्थ छैन । ’