काठमाडौं– राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले क्रिकेटर सन्दीप लामिछानेलाई अमेरिकाले भिसा नदिएकोमा संसदमा विरोध जनाएका छन् । शाहीले अमेरिकाले सन्दीपलाई भिसा नदिनु भनेको देशको अपमान भएको बताए ।

उनले भने, ‘सन्दिप लामिछानेलाई भिसा नदिनु भनेको सन्दीप र नेपाली नागरिकको मात्र होइन यो सिंगो नेपालकै अपमान हो ।’

उनले उच्च अदालतले निर्दोष घोषणा गरेको मान्छेलाई भिसा लाग्दैन ? भनि सदनमा प्रश्न गरे ।

उनले एउटा राष्ट्रिय खेलाडीलाई भिसा नदिएर एक देशले अर्को देशको अस्तित्व स्वीकार नगरेको बताए ।