युवा संघमा नेतृत्वको लफडा नल्याउन ओलीले दिए निर्देशन ।
नागरिक प्रेस २० जेठ २०८१
काठमाडौं-नेकपा एमालेका अध्यक्ष केपी शर्मा ओलीले युवा संघमा नेतृत्वको लफडा नल्याउन निर्देशन दिएका छन् ।
राष्ट्रिय युवा संघ नेपालको कार्यक्रमलाई शनिबार सम्बोधन गर्दै उनले नेतृत्व चयनमा अप्ठेरो परे पार्टीमा आउन निर्देशन दिए ।
उनले भने, ‘युवा संघमा नेतृत्वको लफडा सुन्न नपरोस्, सुन्नै नपरोस् । नेतृत्व र पदका लफडा । अप्ठेरो पर्यो भने पार्टीमा सोध्न आउनुस्, कसलाई बनाउने हामी भन्दिन्छौं ।
हामीले कामको मूल्यांकन गरेर बसेका छौं नभनेका मात्रै हौं । हामी धेरै भन्दैनौं, कसको कहाँ सच्याउनुपर्ने, तर अध्यक्ष एउटै हुने हो । उपाध्यक्ष ७ वटा चाहिने कुरा होइन, तैपनि पार्टीमा पनि छ उपाध्यक्ष, तर चाहिने कुरा होइन ।
मान्छेहरुको स्वार्थ बिसाउने ठाउँ चाहिने नि त चौतारो । त्यो स्वार्थ बिसाउने ठाउँमा मात्रै हो । प्रदेश-प्रदेशमा उपाध्यक्ष चाहिँदैन भन्छ । किन चाहिएको छ ? सकेसम्म सच्याउनुस् ।’
