हास्य कलाकार ‘माग्ने बुडा’कि श्रीमती ‘सानो संसार’मा
![हास्य कलाकार ‘माग्ने बुडा’कि श्रीमती ‘सानो संसार’मा](https://www.nagarikpress.com/wp-content/uploads/2024/06/sanosansar.jpg)
काठमाडौँ —’चपलीहाइट ३’का निर्माता अर्जुन कुमारले नयाँ फिल्म’सानो संसार’ निर्माण गर्दैछन् ।
निर्माताका अनुसार फिल्मको प्रमुख भूमिकामा सितादेवी तिमिल्सिना देखिँदैछिन् । तिमिल्सिना हास्यकलाकार केदार घिमिरे उर्फ ‘माग्ने’की पत्नी हुन ।
यही फिल्मबाट कलाकारहरु राज पंगेनी शर्मा,अनु दाहाल,अन्जसा रिजाल,शिशिर सिवाकोटीले डेब्यू गर्दैछन् ।
निर्माण टिम ३० दिनको सेड्युल बोकेर छायांकनस्थल पुगिसकेको छ ।
फिल्मको छायांकन नुवाकोट र धादिङमा हुनेछ । ‘यो फिल्ममार्फत मैले थुप्रै कलाकारलाई नेपाली फिल्म क्षेत्रमा डेब्यू गराउँदैछु ।
निर्देशकले पनि डेब्यू नै गर्दै हुनुहुन्छ । नयाँ अनुहार र नयाँ कन्सेप्ट ल्याउनका लागि यो टिमलाई मैले रोजेको हुँ,’निर्माताले बताए ।
फिल्मलाई सिद्धार्थ पुडासैनीले निर्देशन गर्नेछन् । निर्देशक पुडासैनीलाई फिल्मको कथा लेखनमा सरिष्मा पुडासैनीले सघाएकी हुन् ।
निर्माण अगावै यो टिमले फिल्मको प्रदर्शन मिति पनि तय गरिसकेको छ । यो फिल्म आगामी दशैंको घटस्थापनामा प्रदर्शन गर्ने तयारी छ ।