निर्वाचन आयोगको आयुक्तमा सिफारिस प्रधानको सुनुवाई, निर्णय गरिएन
![निर्वाचन आयोगको आयुक्तमा सिफारिस प्रधानको सुनुवाई, निर्णय गरिएन](https://www.nagarikpress.com/wp-content/uploads/2024/07/Krishna_Man_Pradhan_zbfMsOI.width-1024.jpg)
काठमाडौं । संसदीय सुनुवाई विशेष समितिमा निर्वाचन आयोगको आयुक्तमा सिफारिस कृष्णमान प्रधानको सुनुवाई गरेको छ ।
बुधबार बैठकमा प्रधानले आफ्नो कार्ययोजना प्रस्तुत गर्दै आफूविरुद्ध परेको उजुरीबारे प्रस्टीकरण पनि दिएका छन् ।
यौनदुर्व्यवहारको आरोप लागेका प्रधानले सफाइ दिने क्रममा जिल्ला अदालतमार्फत उजुरीकर्तासँग मिलापत्र भैसकेको समितिलाई बताएका छन् ।
प्रधानको यसअघि असार २१ गते नै सुनुवाइ हुने तय भएर पनि रोकिएको थियो । यौन शोषण गरेको जस्तो आरोप लागेको भन्दै समितिले २० गते उजुरीकर्ताको कुरा सुनेर बैठक स्थगित गरेको थियो । असार २१ गते तय भएर रोकिएको सुनुवाइ बुधबार भएको हो ।
गत असार ७ गते १० दिनको समय दिएर प्रधानविरुद्ध उजुरी आह्वान भएको थियो । उनीविरुद्ध ४ वटा गम्भीर प्रकृतिका उजुरी परेको समितिले जनाएको छ ।
सुनुवाइ सकिएपछि आज कुनै निर्णय नगरिएको र अर्को बैठक बसेर नियुक्तका लागि सिफारिस गर्ने नगर्ने निर्णय हुने बताईएको छ ।