काठमाडौं- झापा र तनहुँमा डेंगी संक्रमणबाट २ जनाको मृत्यु भएको छ। इपिडिमियोलोजी तथा रोग नियन्त्रण महाशाखा टेकुका अनुसार डेंगी संक्रमणबाट झापामा ४० वर्षीया महिला र तनहुँको दमौलीका ५० वर्षीय पुरुषको मृत्यु भएको हो।

गत पुसदेखि हालसम्म देशभर २ हजार तीन सय भन्दा धेरैमा डेंगी संक्रमण पुष्टि भइसकेको छ। नेपालका ७३ जिल्लामा डेंगी संक्रमण फैलिएको महाशाखाले जनाएको छ।

गत वर्ष नेपालमा डेंगी संक्रमणबाट २० जनाको मृत्यु भएको थियो।