काठमाडौं : आज बुधबार पनि बजारमा सुनको मूल्यमा वृद्धि भएको छ। मंगलबार १ हजार १०० रुपैयाँले बढेको सुनको मुल्य आज ९ सय रुपैयाँले बढेको हो।

नेपाल सुन-चाँदी व्यवसायी महासंघले आज ९ सय रुपैयाँले बढेर प्रतितोला सुनको मूल्य १ लाख ६३ हजार कायम भएको जनाएको छ।

मंगलबार तोलामा सुनको मूल्य १ लाख ६२ हजार १०० रुपैयाँमा पुगेको थियो।

सुनको मूल्य बढेपनि चाँदी मूल्य भने घटेको छ। आज चाँदी प्रतितोला १ हजार ९५० रुपैयाँ कायम भएको छ।

मंगलबार चाँदी प्रतितोला १ हजार ९५५ रुपैयाँमा खरिदबिक्री भएको थियो।