काठमाडौं- निर्वाचन आयोगले यही मंसिर १६ गते हुने स्थानीय तह उपनिर्वाचनका लागि आज दिउँसो १ देखि ३ बजेसम्ममा उम्मेदवारको अन्तिम नामावली प्रकाशन गर्नेछ ।

आयोगले कात्तिक २ गते मनोनयन दर्ता गराएका उम्मेदवारहरुले उम्मेदवारी फिर्ता लिन चाहेमा आज बिहान ९ देखि दिउँसो १ बजेसम्मको समय दिएको छ ।

उक्त अवधिमा उम्मेदवारहरुले उम्मेदवारी फिर्ता लिन सक्नेछन् । उम्मेदवारको अन्तिम नामावली सार्वजनिक भएपछि आयोगले दिउँसो ३ देखि ५ बजेसम्म उमेदवारलाई निर्वाचन चिह्न प्रदान गर्नेछ ।

स्थानीय तहमा रिक्त विभिन्न ४४ पदमा मंसिर १६ गते बिहान ७ देखि अपराह्न ५ बजेसम्म मतदान हुनेछ ।