काठमाडौं । श्रीलङ्काको राजधानी कोलम्बोमा भएको एसिया एट ओसिएन ओपन विच साम्बो च्याम्पियनसिप २०२४ मा नेपालका खेलाडी सृजेश श्रेष्ठले दोस्रो पदक हासिल गरेका छन् । उनले जित सँगै मेडल पनि प्राप्त गरे ।

श्रेष्ठले पुरुष ८८ केजी तौल समूह माथिका प्रतिस्पर्धीहरूलाई हराउँदै मेडल प्राप्त गरेका हुन् । खेलमा नेपाल, बङ्गलादेश, भारत, इन्डोनेसिया, पाकिस्तान, सिँगारपुर, फिलिपिन्स, श्रीलङ्का लगायतको सहभागिता रहेको थियो ।

श्रेष्ठले यस अघि २०८० मा पनि बङ्गलादेशको राजधानी ढाकामा भएको बंगलबन्धु दोस्रो एसियाली साम्बो च्याम्पियनसिपमा नेपालको तर्फबाट कांस्य पदक जितेका थिए ।

खेलमा सानै देखि रुचि भएका श्रेष्ठ साम्बो साउथ एसियाको पहिलो रेफ्रि हुन् । उनले विभिन्न देशमा सहभागी भई खेल्नुका साथै तालिम पनि लिएका छन् ।