काठमाडौं । पूर्वउपप्रधानमन्त्री एवं गृह र रक्षामन्त्री रहेका नेता भीम रावलले आज आफ्नो आगामी राजनीतिक यात्राबारे घोषणा गर्दै छन्।

पुस १० गते नेकपा एमालेको सचिवालय बैठकले पार्टीको साधारण सदस्यसमेत नरहनेरी निष्कासन गरिएका नेता रावलले आज आफ्नो नयाँ राजनीतिक योजनाबारे जानकारी गराउने भएका हुन्।

यसका लागि उनले आज दिउँसो १ बजे बबरमहलस्थित कार्की ब्यांक्वेटमा पत्रकार सम्मेलन गर्दै छन्। उनले परिवर्तित राजनीतिक परिस्थिति र सम्भावित भविष्यबारे आज घोषणा गर्ने उनले बताएका छन्।

यसबीच उनले नयाँ पार्टी खोल्ने चर्चा पनि चलेको थियो। तर नेता रावलले सबै कुरा आजकै पत्रकार सम्मेलनमार्फत जानकारी गराउने बताइरहेका छन्।