काठमाडौं -आगामी माघ ४ गतेबाट देशभर एक साथ प्रदर्शनमा आउने चलचित्र ‘एक्टर’को फष्टलुक पोष्टर सार्वजनिक भएको छ ।

आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपुर्ण ‘एक्टर’को पोष्टरमा चलचित्रका मुख्य पात्रहरुलाई समेटिएको देखिन्छ ।

पत्रकार मनोहरी थापा निर्माता रहेको ‘एक्टर’ मा प्रिन्स थापा मगर, शिवानी गीरी, कशिस दाहाल, कृष्ण मल्ल, सरोज खनाल, निशा केसी भण्डारी, महेन्द्र मैनाली, शिबु शाह लगायतका कलाकारको अभिनय छ भने चलचित्रमा सम्राट थापाको कथा तथा संगीत रहेको छ ।

मदन घिमिरेको निर्देशन रहेको ‘एक्टर’ नेपाल डाइस्पोरा इन्टरटेनमेन्टको व्यानरमा निर्माण भएको हो ।

यो चलचित्रमा संयोग नै मान्नु पर्छ एकै परिवारका कलाको बिभिन्न बिद्यामा आआफ्नो पहिचान बनाएका देशका बरिष्ठ नृत्य शिरोमणि भैरव बहादुर थापाका नाती, बरिष्ठ संगीतकार सम्राट थापाको छोरा प्रिन्स थापा अभिनित पहिलो चलचित्र ‘एक्टर’ मा लोकप्रिय कलाकार, निर्मात्री उमा बेबी गीरीकी छोरी शिवानी गीरीलाई नायिकाको रुपमा देख्न सकिन्छ ।