काठमाडौं । मकवानपुरमा आज (बुधबार) बिहान बस दुर्घटना हुँदा ३५ जना घाइते भएका छन्।

काठमाडौंबाट महोत्तरी जाँदै गरेको प्रदेश २-०३-००१ ख ३६२९ नं. को बस अनियन्त्रित भई पूर्व-पश्चिम राजमार्गअन्तर्गत मकवानपुरको मनहरी गाउँपालिका-७ रमनटारको समीडाँडामा दुर्घटना भएको हो ।

दुर्घटनामा घाइतेमध्ये २८ जनालाई उपचारका लागि पुरानो मेडिकल कलेज भरतपुरमा पठाइएको छ । जसमध्ये १३ जनाको अवस्था मध्यम र १५ सामान्य रहेको जिल्ला प्रहरी कार्यालय मकवानपुरले जानएको छ। प्रहरीका अनुसार मनहरी अस्पतालमा ३ जना र हेटौँडा अस्पतालमा ४ जना घाइतेको उपचार भइरहेको छ ।

दुर्घटनामा घाइतेहरू महोत्तरी मटियानी नगरपालिका–७ बस्ने २४ वर्षीय हरि शङ्कर प्रसाद मण्डल, जलेश्वर नगरपालिका–९ बस्ने २४ वर्षीय राज कुमार साह, २८ बर्षिया अनु राय, २१ वर्षीया खुसी कुमारी पाण्डे, धनुषा जनकपुर उपमहानगरपालिका–१३ बस्ने २० बर्षिया भिमा ठाकुर, महोत्तरी बगाह नगरपालिका–१ बस्ने ६१ वर्षीय दिनेश चौधरी छन् ।

यस्तै दुर्घटनामा महोत्तरी जलेश्वर नगरपालिका–२ बस्ने २० वर्षीया असख साझी, धनुषा जनकपुर उपमहानगरपालिका–९ बस्ने ६० वर्षीया सरोज झा, ९ वर्षीया समृद्धि झा, ४२ वर्षीय किरण झा, ४७ वर्षीया संजिब झा, भारत सीतामढी जिल्ला पिपराथान बस्ने ५५ वर्षीया बेचन महत्तो, धनुषा जनकपुर उपमहानगरपालिका बस्ने १८ वर्षीया अनुपाको पुरानो मेडिकल कलेजमा उपचार भइरहेको जिल्ला प्रहरी कार्यालय मकवानपुरले जानकारी दिएको छ ।

त्यस्तै धनुषा जनकपुर उपमहानगरपालिका–७ बस्ने २८ वर्षीया राजु साह, २५ वर्षीया रुद्रानि राज, धनुषा लक्षिमिहा गाउँपालिका–१ बस्ने ३४ वर्षीया सुन्दर साह, ५ वर्षीय बिराज साह, १२ वर्षीय राज साह, १४ वर्षीय काजल साह, जनकपुर उपमहानगरपालिका–१३ बस्ने २७ वर्षीय रामभरोस साह, धनुषा बटेस्वर गाउँपालिका–३ बस्ने ३७ वर्षीया रामकृष्ण सिङ, ५ वर्षीय प्रतिक सिङ, १० वर्षीया कृती सिंङ, २९ वर्षीया सुजित कुमार महत्तो, .धनुषा नकराईन गाउँपालिका–.६ बस्ने २३ वर्षीय रमेश कुमार ठाकुर, मिथिला नगरपालिका–६ बस्ने २१ वर्षीय मनोज महत्तो, धनुषा घर भई हाल काठमाडौँ बस्ने २४ वर्षीय रमा के.सी., धनुषा बटेस्वर नगरपालिका–३ बस्ने ३३ वर्षीय ईन्दिरा कुमारी महत्तो घाइते भएका छन्। उनिहरुको चितवनमा उपचार भइरहेको छ ।

त्यस्तै औराही गाउँपालिका–१ बस्ने ३५ वर्षीय रोशन कु.यादब, देश भारत प्रदेश बिहार मध्यवानि बस्ने ४९ बर्षिये श्याम कुमार ठाकुर, भारत बिहार प्रदेश दभंगा बस्ने ४४ वर्षीय प्रमोद कुमार शर्माको मनहरी अस्पतालमा उपचार भइरहेको छ ।

त्यस्तै उदयपुर उदयपुर गढि गाउँपालिका–६ बस्ने २० वर्षीय रन्जना मगर, काठमाडौँ महानगरपालिका–३१ बस्ने बर्ष ६० वर्षीय बिना देबी, २२ वर्षीय सोनम साह र ३४ वर्षीया अनुपम जैसवाल घाइते भएका छन् । उउनिहरू हेटौँडा अस्पतालमा उपचार पश्चात् डिस्चार्ज भई गन्तव्य तर्फ लागेको प्रहरीले जानकारि दिएको छ ।