काठमाडौं । चर्चित गायक नवीन कुमार पौडेलको ‘१८ कट्यौ कि कटेनौ ?’को भाग- २ ‘मायामा ठ्याक्क ठुक्क चलिरहन्छ’ नामक गीतको म्युजिक भिडियो सार्वजनिक भएको छ ।

‘१८ कट्यौ कि कटेनौ?’ गीतले चर्चाको शिखर चुमेपछि गायक पौडेलले त्यसैको भाग- २ ‘मायामा ठ्याक्क ठुक्क चलिरहन्छको’ म्युजिक भिडियो बजारमा ल्याएका हुन् ।

उक्त गीतको म्युजिक भिडियोमा गायक-गायिका नवीन कुमार पौडेल र बेनिशा पौडेलले स्वर दिएका छन् । गीतमा शब्द सङ्गीत र र्‍याप जगत तिरुवाको रहेको छ भने स्टुडियो बिगपरिवेश मिक्सिङ मास्टर जीवनले गरेका हुन् ।

म्युजिक भिडियोको निर्देशन गम्भीर विष्टले गरेका हुन् । यस्तै अभिनयमा मोडल सुरक्षा कितानी, उमेश बराल, नेहा गौतम, विश्व बराल, सुमन ज्योति न्यौपाने र सुरेन्द्र बस्याललगायत कलाकार रहेका छन् । युट्युबमा सार्वजनिक भएको ‘मायामा ठ्याक्क ठुक्क चलिरहन्छ’ डान्सिङ शैलीमा रहेको गीत हो ।

गायक पौडेलले यस अगाडी पनि थुप्रै चर्चित गीतमा स्वर दिइसकेका छन् । गायनसँगै स्टेज प्रोग्राम पनि पौडेल चर्चित छन् । उनले नेपालका विभिन्न स्थानसँगै विदेशमा समेत स्टेज कार्यक्रम गर्ने गरेका छन् ।