एक्टरको डान्सिङ गीत सार्वजनिक
नागरिक प्रेस २६ पुष २०८१
काठमाडौं-आगामी माघ ४ गतेबाट देशभर प्रदर्शनमा आउने अन्तिम तयारीमा रहेको चलचित्र ‘एक्टर’को तेश्रो डान्सिङ प्याटनको ‘म पनि एक्टर बनुला’ बोलको गीत ओएसआर डिजिटलबाट सार्वजनिक भएको छ ।
आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपुर्ण ‘एक्टर’को गीतको भिजुअलमा मुख्य नायक प्रिन्स थापा मगरको साथमा कृष्ण मल्ल, सरोज खनाल, निर्मल शर्मा देखाईएको छ । शंकरलाल श्रेष्ठको स्वर, शब्द रामकाजी शाक्य, संगीत सम्राट थापा, कोरियोग्राफी तथा निर्देशन माईकल चन्दको रहेको छ ।
पत्रकार मनोहरी थापा निर्माता रहेको ‘एक्टर’ मा प्रिन्स थापा मगर, शिवानी गीरी, कशिस दाहाल, निशा केसी भण्डारी, महेन्द्र मैनाली, शिबु शाह लगायतका कलाकारको अभिनय छ भने चलचित्रमा सम्राट थापाको कथा तथा संगीत रहेको छ ।
मदन घिमिरेको निर्देशन रहेको ‘एक्टर’ नेपाल डाइस्पोरा इन्टरटेनमेन्टको व्यानरमा निर्माण भएको हो ।
